BAXITO / KALUWALEE

Madina kee wala cando yalli kennih rahmatay

Madina:

v Yaaba waak minin meeqo tarigeni?

v Solaa waak karrer maqo tarigenih.

v Dumah cindaleeh kataysay, away gadilee miraca.

v Koo arigeeh bagi adat yasulee qangow.

Wala cando:

v Akeey kalo kaxxafo raqisem,

v Akeey damaluk girra radatem,

v Ni galli yaqasina yarigeeh.

v Ni missli gulub rado yarigeeh.

Madina:

v Sinik malla masaya mali,

v Molak malla gedadu mali,

v Digga hen malla rabi koo mahayta,

v Gedade malla rabe koo makalta,

v Wakri malla leeh, badak af yadure.

v Tamah akalee, masmita may.

Wala cando:

v Tiqol tan buxa, tiqok wakaya heele,

v Dokqal tan buxa, dokqak wakaya heele,

v Anke yakumeh, anke kaah wagitnu?

v Keelissey yaabih abahelay.

Madina:

v Gumqatah bidorwalel obeeh iyeh,

v Uru kee agabuk sagda sinik iyaa,

v Dunqoh gerre  sinim tani, gallah gerre sinim tan.

Wala cando:

v Dunqoh gerre sinim macak tanih tan, gallah geresinim macak tanih tan?

Madina:

v Gallah gerre sinim lagaq yaa raysa, dunqoh gerre sinim  bagiti qeebi.

Wala cando:

v Moli leem madafiqa takaleh, nanu linom kasal bocco takale.

Madina:

v Yaquren yab akoy beyak tenen,

v Agbi caggid akoy abak teenen.

Wala cando:

v Neek fullah gabat birta luk yamateh,

v Neek fullah bagut coori luk yamate.

v Tumugurek, agure teet liyo,

v Cintek, agilee teet liyo.

v Qale yawqe silki neeksa miyyi leeh,

v Darro xalta gawra neeksa miyyi lee,

v Keelissey yabih abahelay.

Madina:

v Agbi xalle wan leeh mayan,

v Yalli hadle wan leeh mayan,

v Bexay danan inti lee xallah,

v Badeysay ibaak yarde xallah,

v Salkacay isih solla xallah,

v Amah akalee masmita may.

Wala cando:

v Qaduwii lee barrat xallay cabanah,

v Abnus lee qelat leey cabanah,

v Qakowe mislik amok gexanah,

v Neeh acuwey yi Rabbow ellacabo maqane.

v Neeh acuwey, yi Rabbow ellacabo maqane.