Bica le inki raat fiyaay, roorakaa

Nirasi'akak agxelem mangokaay,
Biyaakah taximmo kaa laftakaa.
Tuxaqah rasuh tududnaamakaa
Badi tubkuneeh, nikas nee ruka
[Badi tukkaqeeh, nikas nee cooka].

Rasuh agxe sinni cankah to'aba
Lafitak lafitte  yaadoh daban!!
Rasuh axce kal rasuk waan dadal
Mayanam manas mitaa taa'binal
[Mayanam makas wayah naagimeeh?].

Isi amo ange wee kasay dufle aba
Rasi kulsa baahelem xex waka.
Ali num qidaah, culam boorimi.
Abe qellatal katat wee qaduw
Abu waamih akkalah giifo aba.
[Abu waamih akkalah niifita]

Gaba'kak tubah te num diisekal
Mabarugta qawwa laylah cato
Ali culte boorim alfekkalah
Uxi qagtak edde nee gaadele.

Mala'kak kuraabiyen tittawaa
Agat elle Yakku waam teegemeeh
Ken  amol  lefetle  boola'agatak
[Ken amo elle kulsim agxe'aa rasuk]
Naharal beceh meqem ken mako.

Amako anket afle kaam nasmatuh
Baritaay, amo itta fan kabba haa.
Bicale inki raat fiyaay roora kaa
Ala makkinaay isin sin tika
[Ala makkinaay, isin nee tika]

MUUSA SAALIC