QAADA BELHEDA

Tayse qaada linok, niqaada dadlisnay

Qella sinni ni qaada, qarradak  kallay

Naabi neh cabe qaada, namlike ikoyta

Dadliseh meqe qaada dan wayak baata

Addareh meqe , dadliseh meqe qaada

Dadliseh meqe qaada kulsa le ikoyta

Dacriseh  meqe ,dadlisseh meqem qafar qaada

Tatre qaalamak  oytisak  yamaateeni

Belheda saranaay , bariimo booriita

Fooci haxxa qaraari ,kirdaay masnafa

Loowak asnaamah ,ma dudna kak loowo

Arduk asnaamah ma dudna kak madma

Ummatey  bedu sinni lac , gexek finqa

Rasul bedu  sinni lac , beedi gar takke

Inki lih yaabam , daban maraw siini

Sugti luk dacaraay , sugeeti xaagoysa

Qaalamal aytisa qaada seewa nek tekkeh

Salli mango silak ,ni qaada silloysa

Wanna kicna beduy , mano silah macla

Baacitam faxa num , lac aswa yaymagge

Yaddarem  faxa num ikoyta yaydarre

 Finqitam faxa num ,kedo  baxah wiila

Dalwa dalkah abaasa , yaaxigeenim le

Qalli qaada salaanam , aakerih baati

Falma sinni beduk , foxo edde mayyaaqin

Baati kok faxa cuggi , qaada kok qaaba

Qaada sinni mara , ni qaada qaybissam

Xinto sinni mara , ni xinto qeemittam

Galli agaaradah , oytisam qafar qaada

Oytisam qaada , mabaysinay daabis !

Qafarafih Cubbusso kee Gaddaloysiyyi fanteenak  qusba-maacih Majallatal Dato Qali rubeh yan Qadara